部分5（1/2）

page.9﹒一瞬间出现的andy

第日返到学校，我同阿贤都冇再提那件事，但係佢对我的态度就越来越差，仲同d同学联手唔同我玩。咩事呀﹖

有钱仔果然有势力，搅到我上堂都冇心机。中二第一次考试仲有10科唔合格（得maths合格），劲冇心机。返学又好；上堂又好；食饭又好；做project又好；放学又好，都係一个人。

就係咁，唯有识d朋友仔啦，又俾我识左d中一仔，但係个天都冇待薄我，俾我识倒个靓仔 — andy。有几好﹖（贴士那年，四大天王好hit嫁。）

四大天王入面，论靓仔一定唔係张学友（讲实力嫁嘛）。黎明﹖目口目面咁。andy喎﹖係咪华仔﹖错﹗係aaron呀。由外貌到身形，样样都似，除左肤色好黑。呢次我执到啦﹗哈哈……「二十六夜 热力在四射 浪漫如瀑布飞泻……」

andy眼又大又圆……身型又好（玩田径）……黑黑实实咁……5呎6吋（中一算高嫁啦）……

唔知点解我好快就同佢好熟，当然我冇谂住佢係gay啦，做个好朋友都唔错。由朝玩到晚，好开心，差d唔记得自己係中二的。吃喝玩乐样样齐，仲一齐讲女仔（其实想讲男仔多d）。虽然我唔係靓仔，但都唔算差，所以同佢一齐行出行入，不知有几多女仔涌过黎。那时候，都有谂过「不如追下女仔，同女仔拍下拖，因为上次阿贤件事后，硬係觉得男仔唔係好人。」

美梦好快就走了，andy识左条女唔理我﹖咪咁快。识佢时係冬天，天气凉d爽d，但之后春天同夏天就「大柠乐」啦。佢有好好好好严重的「狐狸仔」。suit……一闻倒咩mood都冇晒啦，仲想呕添，连企开到一呎都闻倒，真想死。外表咁正，但内里……真係好死可惜。不过，友谊呢样野唔係咁「险恶」，我都有继续同andy玩。

升中三了，我同andy真係唔可以再咁玩。

我就算玩极，都会读下书。我由十科唔合格努力到三科唔合格，都算係咁啦。andy﹖佢就大获啦，成绩就一落千丈，科科都死晒。

andy升左中二后，日日要留堂，连小息同lunch hour都要俾埋老师，真係惨无人道。「惨无人道」係形容我，因为升到上去中三，点知会唔会又俾人杯葛。宜家andy「全天候」招呼d老师，边得闲理我。

page.1﹒我确认了自己係……